வியாழன், 15 நவம்பர், 2018

மோடி- டஸ்ஸால்ட் ஒப்பந்தம் !!

ரபேல் விமானங்களை தரக் கட்டாயம் இல்லை!



ரபேல் விமானக் கொள்முதல் விஷயத்தில், பிரதமர் மோடி தனது கார்ப்பரேட் முதலாளிகளுக்கு கமிஷன் சம்பாதித்துக் கொடுக்கும் வேலைபார்த்திருக்கிறார் என்பது மட்டுமே இதுவரை தெரிந்த விஷயமாக இருந்தது.

ஆனால், “இந்திய அரசு ரூ. 60 ஆயிரம் கோடியை தூக்கிக் கொடுத்தாலும், பதிலுக்கு ‘டஸ்ஸால்ட்’ நிறுவனம், ரபேல் விமானத்தை தயாரித்துக் கொடுத்தே ஆக வேண்டும் என எந்த கட்டாயமும் இல்லை” என்று ஒப்பந்தம் போட்டிருப்பது தற்போது வெளிச்சத்திற்கு வந்துள்ளது.

ரபேல் விமான ஒப்பந்தத்தில் ஊழல் நடந்துள்ளதால், இதுதொடர்பாக, உச்ச நீதிமன்றம் நேரடியாக தலையிட்டு விசாரணை நடத்த வேண்டும் என்று வழக்கறிஞர்கள் பிரசாந்த் பூஷன், எம்.எல். ஷர்மா மற்றும் வினீத் தண்டா ஆகியோர் உச்சநீதிமன்றத்தில் வழக்கு தொடர்ந்துள்ளனர். 

தலைமை நீதிபதி ரஞ்சன் கோகோய், எஸ்.கே.கவுல், கே.எம். ஜோசப் அமர்வு முன்பு, புதன்கிழமையன்று இவ்வழக்கில் விசாரணை நடை பெற்றது. 


மத்திய அரசு சார்பில் அட்டர்னி ஜெனரல் கே.கே. வேணுகோபால் ஆஜராகி வாதங்களைமுன்வைத்தார். அப்போது நீதிபதிகள் எழுப்பிய பல கேள்விகளுக்கு பதிலளிக்க முடியாமல் வேணுகோபால் திணறினார்.

“இந்தியாவிற்கு ரபேல் விமானங்களை வழங்கும் டஸ்ஸால்ட் நிறுவனத்தின் இந்திய ஒப் பந்ததாரரை யார் தேர்வு செய்தது;
 இந்துஸ்தான் ஏரோநாட்டிகல் லிமிடெட் நிறுவனத்திற்கு பதிலாக,வேறொரு நிறுவனம் (ரிலையன்ஸ்) திடீரென எப்படிதேர்வு செய்யப்பட்டது;
 ரபேல் ஒப்பந்த விதிகளை மாற்றியது யார், எதன் அடிப்படையில் இதை மாற்றினீர்கள்; ஏற்கெனவே ஒரு ஒப்பந்தம் நிலுவையில் இருந்தபோது, 2015-ஆம் ஆண்டு பிரதமர் மோடி, புதிதாக ஒரு ஒப்பந்தத்தை போட அவசியம் என்ன?”என்று அடுக்கடுக்காக எழுப்பப்பட்ட கேள்விகளில் ஒன்றுக்குக் கூட உருப்படியான பதிலை வேணுகோபால் அளிக்கவில்லை.

“டஸ்ஸால்ட் நிறுவனத்தின் இந்திய ஒப்பந்ததாரர் யார் என்றே தங்களுக்குத் தெரியாது” என்றுவேணுகோபால் அளித்த பரிதாபகரமான பதிலைப்பார்த்த நீதிபதிகள், “பாதுகாப்பு ஒப்பந்தத்தில் ஈடுபடப்போகும் பங்குதாரர் யார் என்பதைக் கூட தெரியாமல்தான் விமானம் வாங்குவீர்களா? 
இதுதான் பாதுகாப்புத்துறை மீதான அக்கறையா? என்று விளாசித் தள்ளினர்.

குறிப்பாக, ரபேல் ஒப்பந்தம் குறித்து வழக்கறிஞர் பிரசாந்த் பூஷன் எழுப்பிய கேள்வி ஒன்றுக்கு,அட்டர்னி ஜெனரல் வேணுகோபால் அளித்த பதிலைக் கேட்டு அதிர்ந்து போயினர்.“மத்திய அரசு செய்திருக்கும் ரபேல் ஒப்பந்தத்தில் பெரிய ஓட்டை இருக்கிறது. 


இதில் விமானங்களை அளிக்க வேண்டிய டஸ்ஸால்ட் நிறுவனம், விமானத்தை கட்டாயமாக அளித்தாக வேண்டும் என்று ஒப்பந்தத்தில் எங்குமே கூறப்படவில்லை; ஒருவேளை அவர்கள் ஏமாற்றிவிட்டால் மத்திய அரசு என்ன செய்யும்?” என்பதே பிரசாந்த்பூஷனின் கேள்வி.

அதற்குப் பதிலளித்த வேணுகோபால், “நாங்கள் பணம் கொடுத்தால் அவர்கள் கண்டிப்பாக விமானத்தை அளிக்க வேண்டும் என்று ஒப்பந்தத்தின் எந்த இடத்திலும் கூறப்படவில்லை; அது உண்மைதான்” என்று எந்த உறுத்தலுமின்றி ஒப்புக்கொண்டார்.

இதனால் கோபமடைந்த நீதிபதிகள், “பாதுகாப்பு தொடர்பான பிரச்சனையில் இப்படியா பதில்அளிப்பது; டஸ்ஸால்ட் நிறுவனம், பணத்தை வாங்கிவிட்டு ஏமாற்றி விட்டால் என்ன செய்வீர்கள்?” என்று கேட்டனர். 

“விமானம் இல்லை, ராணுவம் வலிமையாக இல்லை என்று கூறி, அதை வலிமையாக்கவே இந்த ஒப்பந்தம் என்கிறீர்கள்; அப்படியிருக்கும்போது ஒப்பந்தத்தை இப்படியா மோசமாக வடிவமைப்பது?” என்று சாடினர்.
இதனால் பதற்றம் அடைந்த வேணுகோபால், பிரச்சனையை சமாளிப்பதாக கருதி, மேலும் உளறிக் கொட்டினார். 
“பிரான்ஸ் அரசு தங்களுக்குஆற்றுப்படுத்தும் கடிதம் கொடுத்துள்ளது; அதில் பிரான்ஸ் அரசு ஒப்பந்த முறைகளை பின்பற்றும் என்று தெரிவிக்கப்பட்டு உள்ளது” என்றார்.
இது ஒன்றும் உத்தரவாதக் கடிதம் அல்ல என்பதை மறைத்து, ஆற்றுப்படுத்தும் கடிதம் என்றுசமாளித்தார். அதுவும் நீதிபதிகளிடம் எடுபடவில்லை. 
“ஒப்பந்த படிவத்திலேயே விமானத்தை கட்டாயமாக கொடுக்க வேண்டும் என்று வரிஇல்லாத போது, ஆற்றுப்படுத்தும் வார்த்தை மூலம்விமானம் இந்தியாவிற்கு கிடைத்து விடுமா?” மத்திய பாஜக அரசை கேள்விக்கணைகளால் துளைத்தெடுத்தனர்.

புதன், 14 நவம்பர், 2018

பாஜகவிலிருந்து ஏன் விலகினேன் ?


                                                                                                   -சிவம் சங்கர் சிங்.    

பாஜக தேசிய செயலாளர் ராம் மாதவ் குழுவில் அங்கம் வகித்து வடகிழக்கு மாநிலங்கள் பலவற்றில் தேர்தல் பிரச்சாரங்களை மேற்கொண்டவர் சிவம் சங்கர் சிங். 

ஒரு நாட்டையோ அல்லது ஒரு சமூக அமைப்பையோ உருவாக்குவதற்கு பல நூறு ஆண்டுகளாகும். அவ்வாறு உருவாகியிருந்த மிக உயரிய நம் சமூக அமைப்பை அற்பக் காரணங்களுக்காக பாஜக சின்னாபின்னமாக்கி சிதற அடித்துவிட்டது. 
எனவேதான் நான் அக்கட்சியிலிருந்து விலகுகிறேன்என்று சிவம் சங்கர் சிங் கூறியிருக்கிறார்.
 தான் விலகியதற்கான முக்கியமான காரணங்கள் என்று அவர் பட்டியலிட்டிருப்பதில் ஒருசில பின்வருமாறு:

தேர்தல் பத்திரங்கள்
பாஜக கொண்டுவந்திருக்கும் தேர்தல் பத்திரங்கள் அடிப்படையில் ஊழலை சட்டப்பூர்வமாக்கிவிட்டது. இது கார்ப்பரேட்டுகளும், அந்நிய நாடுகளும் நம் அரசியல்கட்சிகளை (விலைக்கு) வாங்குவதற்கு அனுமதிக்கிறது. 
ஆட்சியாளர்கள் ஒரு குறிப்பிட்ட சட்டத்தை நிறைவேற்றினால் ஆயிரம் கோடி ரூபாய்க்கு தேர்தல் பத்திரம் வாங்குவேன் என்று ஒரு கார்ப்பரேட் கூறினார் என்றால் அவர்மீது எவ்விதமான வழக்கும் தொடர முடியாது. 
ஆட்சியாளர்கள் லஞ்சப் பணத்தை நேரடியாக வாங்காமல் தேர்தல்பத்திரங்கள் மூலமாக வாங்கினார்கள் என்றால் அவர்களுக்கு எதிராக லஞ்ச ஊழலில் வழக்கு எதுவும் தொடர முடியாது.

திட்டக் குழு ஒழிப்பு 
திட்டக் கமிஷன் ஒழித்துக்கட்டப்பட்டுவிட்டது. 
நாட்டில்நடைபெற்றுவந்த திட்டங்கள் தொடர்பான தரவுகளைத் தெரிந்து கொள்வதற்கான வாய்ப்புகள் இதன் மூலம் ஒழித்துக்கட்டப்பட்டுவிட்டது. 
இதற்குப் பதிலாக அமைக்கப்பட்டுள்ள நிதி ஆயோக் என்னும் அமைப்பிடமிருந்து இவற்றையெல்லாம் பெற்றுவிட முடியாது.

சிபிஐ/அமலாக்க இயக்குநரகம் முறைகேடு 
மோடி/அமித்ஷாவிற்கு எதிராக எவர் பேசினாலும் அவர்மீது மத்தியக் குற்றப் புலனாய்வுக் கழகமும், அமலாக்க இயக்குநரகமும் ஏவப்படுகின்றன. 
இத்தகைய செயலானது, ஜனநாயகத்தின் பிரிக்கமுடியாத கூறாகவிளங்கும் கருத்துவேறுபாடு தெரிவித்தல் என்னும் சிந்தனையோட்டத்தையே கொல்வதற்குப் போதுமானது.

முக்கிய வழக்கு விசாரணைகளில் தோல்வி
அருணாசலப்பிரதேசத்தின் முன்னாள் முதல்வர்காலிகோ புல் அவர்களுடைய தற்கொலைக் குறிப்பு,நீதிபதி லோயா மரணம், சொராபுதீன் கொலை, உன்னோவோவில் பாலியல் வன்கொடுமைக்கு உள்ளாக்கப்பட்ட சிறுமியின் தந்தை கொலை செய்யப்பட்டதும், அவரைகொலை செய்த கயவர்கள்மீதான வழக்கு ஆகியவற்றில்புலன்விசாரணைகள் உரியமுறையில் மேற்கொள்ளப்படாமல் தோல்வி அடைந்துள்ளன.

பண மதிப்பிழப்பு

எல்லாவற்றிலும் முக்கிய மானது .ரூபாய் நோட்டுகள் செல்லாது என்று அறிவித்தது பாஜக மோடி அரசு படுதோல்வி அடைந்துள்ளது. 
எனினும் அதனை பாஜக இன்னமும் ஏற்க மறுக்கிறது. 
பயங்கரவாதிகளுக்குப் பணம்வருவது தடுக்கப்படும், ஊழல் ஒழிக்கப்படும் என்றுசொன்னதெல்லாம் அபத்தமாகிப்போயின. நடைமுறையில் இது நாட்டின் வர்த்தகங்களை ஒழித்துக்கட்டியது.


ஜிஎஸ்டி அமலாக்கம்
ஜிஎஸ்டி மிகவும் அவசரகதியில் அமலாக்கப்பட்டது. 
இது நாட்டின் வர்த்தகத்திற்குத் தீங்கு விளைவித்திருக்கிறது. சிக்கலான கட்டமைப்பு, பல்வேறு பொருள்களுக்கு பல்வேறு வரிவிகிதங்கள் போன்றவை மிகவும் தீங்கிழைத்திருக்கின்றன. 
இவ்வாறு ஜிஎஸ்டி படுதோல்வி அடைந்தபின்னரும் அதனை ஏற்க பாஜக மறுப்பது அதன் ஆணவத்தையே காட்டுகிறது.

அயல்துறைக் கொள்கை
அயல்துறைக் கொள்கையில் மிகவும் குளறுபடி செய்யப்பட்டுள்ளது. 
நம் அண்டை நாடான சீனா, இலங்கையில் ஒரு துறைமுகத்தைப் பெற்றிருக்கிறது. 
வங்க தேசத்திலும் பாகிஸ்தானிலும் பெரிய அளவில் செயல்பட்டு வருகிறது. 
இவ்வாறு இந்தியாவைச் சுற்றிலும் அது செல்வாக்கை செலுத்துகிறது. 
மாலத்தீவில் இந்தியத் தொழிலாளர்களுக்கு மரியாதையே கிடையாது. இனி இந்தியர்களுக்கு விசா அளிக்க மாட்டோம் என்று கூறியுள்ளது.

உண்மை நிலைமை இவ்வாறிருக்கையில் உலகம் முழுதும் சுற்றிவரும் பிரதமர் மோடியோ 2014க்கு முன்னர்வெளிநாடுகளில் இந்தியர்களுக்கு மரியாதை இல்லாமல் இருந்தது என்று கூறிவருகிறார். 

இது உளறல்நிறைந்த வெட்டிப்பேச்சாகும். 
சரியாகச் சொல்லப்போனால் மாட்டுக்கறி சாப்பிடுபவர்களைக் கொல்வது, பத்திரிகையாளர்களைக் கொல்வது போன்ற இவர்கள் ஆட்சியில் நடைபெற்றுவரும் இழிசெயல்கள் மூலமாகத்தான் ஏற்கெனவே இந்தியாவிற்கு இருந்துவந்த நல்ல பெயர் தற்போது வீழ்ச்சி அடைந்திருக்கிறது.

மோடி அரசின் திட்டங்கள் அனைத்தும் தோல்வி
மோடி அரசு கொண்டு வந்த சன்சாத் ஆதர்ஷ் கிராம்யோஜனா, இந்தியாவில் உற்பத்தி செய்வோம், திறன்வளர்ச்சி, பயிர் இன்சூரன்ஸ் திட்டம் போன்ற அனைத்துத் திட்டங்களுமே படுதோல்வி அடைந்திருக்கின்றன. பயிர் இன்சூரன்ஸ் திட்டம் இன்சூரன்ஸ் கம்பெனிகளின் பைகளைத்தான் நிரப்பி இருக்கின்றது. வேலையில்லாத் திண்டாட்டம், விவசாயிகளின் நெருக்கடி ஆகியவற்றைத் தீர்த்திட எந்த நடவடிக்கையும் எடுத்திடவில்லை.
பெட்ரோல்-டீசல் விலை உயர்வு
மோடி ஆட்சிக்கு வருவதற்கு முன்பு பெட்ரோல், டீசல்விலைகளை காங்கிரசார் உயர்த்திவிட்டதாக மிகவும்ஆக்ரோஷமாகக் கூறிவந்தனர். ஆனால் இப்போது என்னநிலை? கச்சா எண்ணெய் விலை மலிவாகக்கிடைத்தபோதும், பெட்ரோலியப் பொருட்களின் விலைகளை உயர்த்தி இருக்கிறார்கள்.
இதனை எவ்விதத்திலும் ஏற்க முடியாது.

கல்வி-சுகாதாரம்

மக்களின் அடிப்படைத் தேவைகளான கல்வி மற்றும் சுகாதாரப் பாதுகாப்பு ஆகியவற்றின்மீது அக்கறையே செலுத்தவில்லை. 
அரசாங்கப்பள்ளிகளின் தரம் தாழ்ந்து கொண்டிருக்கின்றது. 
இதனை மேம்படுத்திட எவ்வித நடவடிக்கையும் எடுக்கப்படவில்லை. அதேபோன்று சுகாதாரப் பாதுகாப்பிற்காகவும் எவ்வித நடவடிக்கையும் எடுத்திடவில்லை.

இப்போது ஆயுஷ்மான் பாரத் என்னும் திட்டம் அறிவிக்கப்பட்டிருக்கிறது. 
இதுவும் இன்சூரன்ஸ் கம்பெனிகளின் நலத்திற்குத்தான் பயனளிக்குமேயொழிய மக்களின் சுகாதார நலனுக்கானது அல்ல.

மோடியின்  இழிவான -அசிங்கமான திட்டங்கள்
இவை எல்லாவற்றையும்விட இந்த அரசாங்கத்தின் மிகவும் அசிங்கமான விஷயங்களும் உண்மையில் இருக்கின்றன. இவற்றை இந்த அரசாங்கத்தின் தோல்விகள் என்று சொல்லமுடியாது. மாறாக, இதன் இழிவான திட்டங்கள் என்றுதான் கூறவேண்டும்.

l இந்த அரசாங்கம் ஊடகங்களை மிகவும் இழிவாக நடத்திக் கொண்டிருக்கிறது. பாஜகவிற்கு எதிராக விமர்சனங்களை முன்வைப்போர் அனைவரையும் பத்திரிகையாளர்களாகவே ஏற்றுக்கொள்வதில்லை. 
அவர்கள் அனைவரும் காங்கிரசின் ஊழியர் பட்டியலில் இருப்பதாகக் கூறுகிறது. 
இத்தகைய விமர்சனங்கள் உண்மையல்ல என்று எனக்கு நன்றாகத் தெரியும். இதில் மிகவும் மோசமான அம்சம் என்னவென்றால் அவர்கள் எழுப்பும் பிரச்சனையைப் பற்றிக் கவலைப்படாமல், அவ்வாறு பிரச்சனையை எழுப்பியவரைத் தாக்கும் நிலைக்கு இந்த அரசு செல்வது என்பதேயாகும்.

l இந்த அரசாங்கம், கடந்த 70 ஆண்டுகளில் நாட்டில்
எதுவுமே நடக்கவில்லை என்று ஒரு கதையை அவிழ்த்து
விட்டிருக்கிறது. 
இது நிச்சயமாக தவறு. 
மேலும் இந்த அரசாங்கம் நாலாயிரம் கோடி ரூபாய்க்கும் மேலாக விளம்பரத்திற்காக செலவு செய்திருக்கிறது. அது யாருடைய பணம்? 
அனைத்தும் சாமானிய மக்களின் வரிப்பணம். மிகவும் சிறிய வேலையைச் செய்வது. பின்னர் பெரியஅளவில் விளம்பரம் தேடுவது. 
நாட்டில் உள்ள சாலைகளை அமைத்தவர்களில் முதல் நபர் மோடி அல்ல. 
நான்பயணித்த மிகச்சிறந்த சாலைகளில் சில, உத்தரப்பிரதேசத்தில் மாயாவதி முதல்வராக இருந்தபோது அமைக்கப்பட்டவை, சில அகிலேஷ் யாதவ் முதல்வராக இருந்தபோது அமைக்கப்பட்டவைகளாகும். 
இந்தியா தகவல் தொழில்நுட்பத்துறையில் உலக அளவில் சிறந்து விளங்குவது என்பது 
1990களிலேயே துவங்கிவிட்டது. 
கடந்த கால செயல்பாடுகளையும், கடந்த கால தலைவர்களையும் இன்றைய சூழ்நிலையில் நிந்தனை செய்வதுஎன்பது எளிது.

நேருவின் பாதை

உதாரணமாக ஒருவர் கேட்கலாம்: “கடந்த 70 ஆண்டுகளில் ஆட்சி செய்த காங்கிரஸ் கட்சி கழிப்பிடங்களை ஏன் கட்டவில்லை? 
மக்களுக்கு அடிப்படைத் தேவைகளாகஉள்ள சிலவற்றை அவர்களால் ஏன் செய்ய முடியவில்லை?” இந்தியாவின் வரலாற்றைப் படிக்கும் வரைக்கும்இதுபோன்ற விமர்சனங்களை நானும் நம்பினேன். 

1947இல் நம் நாடு சுதந்திரம் அடைந்த சமயத்தில் மிகவும் வறிய நிலையில் நம் நாடு இருந்தது. அடிப்படைக் கட்டமைப்பு வசதிகளை செய்து தருவதற்கான வளங்களோ, மூலதனமோ நம்மிடம் கிடையாது. 
இவற்றைச் சமாளிப்பதற்காக நேரு, சோசலிச நாடுகள் மேற்கொண்டுவந்த பாதையைத் தேர்ந்தெடுத்தார். 
பொதுத்துறை நிறுவனங்களை உருவாக்கினார். 
உருக்காலையை உருவாக்குவதற்கான வல்லமையை நாம் பெற்றிருக்கவில்லை. எனவே ரஷ்யாவின் உதவியுடன் அதனைச் செய்தோம். 
ராஞ்சியில் கனரக இன்ஜினியரிங் கார்ப்பரேஷன் அமைக்கப்பட்டது. அதன் மூலமாக இந்தியாவில் உருக்கு உருவாக்கப்பட்டது. இது அமையாதிருந்திருந்தால் நமக்கு உருக்கு கிடைத்திருக்காது. 
அதன் அடிப்படையிலான கட்டமைப்பு வசதிகளையும் பின்னர் நம்மால் பெற்றிருக்க முடியாது.

பொய் மூட்டைகள்
நம்நாட்டில் அடிக்கடி வறட்சிகள் ஏற்படும்.
 அதனால்ஒவ்வொரு 2, 3 ஆண்டுகளிலும் பெரும் எண்ணிக்கையிலான மக்கள் பட்டினியால் மடிந்துகொண்டிருந்தார்கள். 
எனவே மக்களுக்கு உணவு அளிப்பதற்கான திட்டங்களுக்கு முன்னுரிமை அளிக்கப்பட்டது. அந்தக்காலத்தில் கழிப்பிடங்கள் என்பது ஓர் ஆடம்பரமான அம்சமாக விளங்கியது. 
அதைப்பற்றி எவருமே அந்தக்காலத்தில் பொருட்படுத்தவில்லை.1990களில் பசுமைப்புரட்சி நடந்தது. உணவுப் பற்றாக்குறை காணாமல் போய்விட்டது. 
இப்போது நாம் உபரி உணவை என்ன செய்வது என்கிற பிரச்சனையைப் பெற்றிருக்கிறோம். 
எனவே 70 ஆண்டுகளில் எதுவுமே நடைபெறவில்லை என்று கூறுவதானது பயங்கரமான மிகவும் வெறுக்கத்தக்க பொய்மூட்டையாகும்.


மனநிலையை மாற்றியமைப்பதும் மதவெறியை விசிறி விடுவதும்
பாஜகவினர், “இந்து மதம் ஆபத்திற்குள்ளாகி இருக்கிறது, இந்துக்களும் ஆபத்திற்குள்ளாகி இருக்கிறார்கள்,” என்றும், “இதிலிருந்து நம்மை மோடிதான் காப்பாற்றமுடியும்” என்பதுபோல ஒரு சித்திரம் கட்டமைக்கப்படுகிறது. 
எதார்த்தத்தில் பாஜக ஆட்சிக்கு வருவதற்குமுன்பு இந்துக்கள் எப்படி வாழ்ந்தார்களோ அதேமாதிரிதான் இப்போதும் வாழ்கிறார்கள். 
அவர்களின் மனோநிலையை மாற்றியமைப்பதற்கான வேலைகள்தான் நடந்துகொண்டிருக்கிறது.
இந்த அரசாங்கத்திற்கு எதிராகப் பேசுகிறீர்களா? 
நீங்கள் தேச விரோதி. 
இப்போது இந்து விரோதி என்றும்முத்திரை குத்தப்படுவீர்கள். 

இவ்வாறு முத்திரை குத்தப்படுவதன் மூலமாக அரசாங்கத்திற்கு எதிரான நியாயமான விமர்சனம் மூடிவைக்கப்படுகிறது.பாஜகவினர் செய்தி தொலைக்காட்சி அலைவரிசைகளை நடத்தி வருகின்றனர். 

அவற்றின் பிரதானமானபணி என்ன தெரியுமா? 
இந்து – முஸ்லிம், தேசியவாதியா?– தேசவிரோதியா? 
போன்ற விவாதங்களை நடத்துவதுதான். 

மக்களின் பிரதான பிரச்சனைகள் எது குறித்தும் விவாதிக்க மாட்டார்கள். மாறாக மக்கள் மத்தியில் மதவெறித் தீயை உசுப்பிவிட என்னவெல்லாம் செய்ய முடியுமோ அவற்றைச் செய்வார்கள். 
இதில் யார் அதிக அளவில் விஷத்தைக் கக்குகிறார்களோ அவர்களுக்கு விருதும் அளித்திடுவார்கள்.
வரவிருக்கும் தேர்தலில் பாஜவின் உத்தி என்பதுமதவெறியை விசிறிவிடுவதுதான். 
வளர்ச்சி என்பதெல்லால் போயே போய்விட்டது. 

அடுத்து போலி தேசியவாதத்தைக் கிளறிவிடுவது.பாஜக எப்படி செயல்படுகிறது என்பதற்கு இவை சில உதாரணங்களேயாகும். 
சிவம் சங்கர் சிங்

எதுவுமே செய்யாது இருட்டுமுனையில் நின்றுகொண்டு பிரசங்கம் செய்துகொண்டிருக்கிறது. இத்தகைய கட்சியில் செயல்படுவதில் அர்த்தமில்லை என்றுதான் நான் ராஜினாமா செய்துவிட்டேன்.

பின்குறிப்பு:-

2013இலிருந்து நான் பாஜக ஆதரவாளராக இருந்தேன். 

ஏனெனில் நரேந்திர மோடி நாட்டின்ஒளிவிளக்காக எனக்குத் தெரிந்தார். வளர்ச்சி குறித்து அவர் முழக்கமிட்டதில் ஏதோ அற்புதம் நிகழப்போகிறது என நம்பினேன். 

ஆனால் அந்த நம்பிக்கைகள் எல்லாம்இப்போது பொய்த்துப்போய்விட்டன.
                                                                                                                                                                                                                                                                                                                                                                                                                                                                                                  தமிழில் : ச.வீரமணி(தீக்கதிர்

விஜய் சர்காரும் , எடப்பாடி அரசும்.

 தன்னை எதிர்த்து போராடிய அதிமுகவை கடுப்பேற்றவே  கேக்கில் மிக்ஸி, கிரைண்டர் வைத்து பட வெற்றி விருந்து  கொண்டாடியது, மற்றும் தனது ஆதரவாளர்கள் மூலம் அடுத்து ‘சர்கார் 2’ படத்தில் விஜய் நடிக்கவிருக்கிறார் என்று வெறுப்பேற்றியதற்கு உடனடி பதிலடி தர  விஜய்யின் கல்யாண மண்டபங்கள், சென்னையிலுள்ள அவரது அசையும் மற்றும் அசையாச் சொத்துக்களை  சட்டரீதியான ஆராய்ச்சிக்கு உட்படுத்த ஆரம்பித்துள்ளது அ.தி.மு.க. அரசு. 
தனது படங்களில் நீதி, நேர்மை குறித்து ஆவேசமாக வசனம் பேசி நடிக்கும் விஜய் பொது வாழ்வில் நேர்மையற்றவர். முறைகேடா கருப்பு-வெள்ளைகளில் கோடிகளை சம்பளமாகப்பெறுபவர்.
நடிகர் விஜய்
 திருமண மண்டபங்களில் ஒன்று.

படங்களுக்கு வாங்கும் சம்பளங்களில் முக்கால்வாசியை கருப்புப் பணமாகத்தான் வாங்குகிறார் என்று மேடைகளில் அ.தி.மு.க. அமைச்சர்கள் ஏற்கனவே முழங்க ஆரம்பித்திருக்கும் நிலையில், அடுத்த கட்டமாக அவரை ஆதாரபூர்வமாக தோலுரிக்க வேண்டும் என்று அமைச்சர்களுடன் கூடி முடிவெடுத்திருக்கிறாராம் முதல்வர் எடப்பாடி. 
‘சர்கார்’ பிரச்சினை சுமுகமாக முடிக்கப்பட்டுவிட்டது என்று தாங்களே இறங்கிவந்து அறிவித்த பிறகும் விஜய் தரப்பு அடங்கவில்லை என்று அ.தி.மு.க. தரப்பு கடுப்பானதை ஒட்டியே இந்த நடவடிக்கை துவங்கியிருப்பதாகக் கூறப்படுகிறது.
இதன்படி முதல் சிக்கலுக்கு ஆளாகியிருப்பவை விஜய்யின் திருமண மண்டபங்கள். விஜய் வெளிப்படையாக சென்னையில் முறையே வடபழனி குமரன் காலனி, அருணாச்சலம் சாலை மற்றும் போரூர் பகுதிகளில் மூன்று திருமண மண்டபங்கள் வைத்திருக்கிறார். 
இவை விஜய், அவரது அம்மா ஷோபா மற்றும் அவரது மனைவி சங்கீதா பெயர்களில் உள்ளன. 
இவற்றுக்கு முறையான பத்திரப்பதிவுகள் உள்ளதா, மாநகராட்சியில் வருமான வரி கட்டப்பட்டுள்ளதா வேறென்ன வில்லங்கங்கள் உள்ளன என்று முதல் குடைச்சலைத் துவங்கியிருக்கிறார்கள். 
ஷோபா                                                            சங்கீதா 

அடுத்த கட்டமாக வடபழனி சாலிகிராமம் பகுதியில் உள்ள 24 மாடி குடிருப்பு ஒன்றின் முதல் 12 மாடிகள் விஜய் பெயரிலும் மீதி 12 மாடிகள் அவரது தந்தை எஸ்.ஏ.சி.பெயரிலும் இருப்பதாகச் சொல்லப்படுகிறது. 
இக்கட்டிடத்திற்கு முறையான மாநகராட்சி அனுமதி பெறப்படவில்லை என்று தெரிகிறது. 
இக்கட்டிடம் தொடர்பான முறைகேடுகளையும் மாநகராட்சி அதிகாரிகள் மூலம் தோண்டி எடுக்க உத்தரவிடப்பட்டுள்ளது.
இதுபோக படங்களுக்கு விஜய் வாங்கும் சம்பளம். அதில் வாங்கும் கருப்புப் பணங்களை எப்படி முதலீடு செய்கிறார். 
இன்று வரை பிரிடிஷ் குடியுரிமை வைத்துக்கொண்டுள்ள விஜய் மனைவி சங்கீதா வெளிநாடுகளில்  என்னென்ன தொழில் செய்கிறார், அவற்றுக்கு ரிசர்வ வங்கி அனுமதி உள்ளதா என்று பல்வேறு கோணங்களில் விஜயை நெருக்கி அவரது இமேஜை மக்கள் மத்தியில் காலி பண்ண முடிவு செய்திருக்கிறார்களாம். 
கமல்ஹாசன் தனது கணக்கு வழக்குகளை சரியாக வைத்துள்ளார்.கருப்புப்பணத்தில் சம்பளத்தை அவர் பெற  மறுப்பதினாலேயே  அவரது ஊதியம் நடிகர்கள் ரஜினிகாந்த் ,விஜய்,அஜித்குமார் ஆகியோரை விட குறைவாகவே உள்ளது .அதனால் அவரை மத்திய பாஜக,மாநில அதிமுக அரசுகள் கமல்ஹாசன் மீது வருமானம்,சொத்து தொடர்பாக மிரட்டி அடக்கி வைக்க முடியவில்லை.
ஆனால் நடிகர் விஜய் மற்ற பிரபல நடிகர்கள் போலவே கருப்பு,வெள்ளை கலவையில் பல கோடிகள் சம்பளம் பெறுகிறார்.அவரை மிரட்டி ஒடுக்குவது எளிது என்பதே எடப்பாடி பழனிச்சாமி என்னாமாம்.
இந்த நடவடிக்கைகளுக்குப் பின்னர் விஜய் படங்களில் மட்டுமல்ல கனவிலும் கூட அவருக்கு அரசியல் ஆசை வரக்கூடாது என்று கொக்கரிக்கிறது  அ.தி.மு.க. வட்டாரம்.
இன்று கலைஞர் மறைந்த நூறாவது நாள் நினைவு நிகழ்வு.

பங்குத்தகராறு.
திண்டுக்கல் மாவட்டத்தில் அங்கன்வாடி மைய பணியாளர்கள் பணி நியமனத்தில் அ.தி.மு.க நிர்வாகிகளின் பரிந்துரை நிராகரிக்கப்பட்ட விவகாரம் திண்டுக்கல் சீனிவாசனுக்கு பெரும் சிக்கலை ஏற்படுத்தியுள்ளது.
கடந்த மூன்று மாத காலமாகவே திண்டுக்கல் மாவட்டத்தில் காலியாக உள்ள அங்கன்வாடி பணியிடங்களை நிரப்புவதற்கான ஏற்பாடு ஜரூராக நடைபெற்று வருகிறது. 3 லட்சம் ரூபாய் 5 லட்சம் ரூபாய் வரை ஒரு பணியிடத்திற்கு வசூல் செய்யப்படுகிறது. 
இதில் ஒரு லட்சம் ரூபாய் கட்சிக்கு என்றும் எஞ்சிய தொகையை அமைச்சர் முதல் பரிந்துரைத்த கிளைச் செயலாளர் வரை பகிர்ந்து கொள்வது என்று முடிவெடுக்கப்பட்டதாக கூறப்படுகிறது.
ஜெயலலிதா இருந்தவரை இதே முறையில் தான் அங்கன்வாடி பணியாளர்களுக்கான பணிநியமனம் நடைபெற்று வந்துள்ளது. அப்போது கட்சிக்கும்-ஜெயலலிதா-சசிகலாவுக்கும் முக்கால் பங்கு.மீதியில் முக்கால் வாசி அமைச்சருக்கு மிச்சம் மீதி வாடிக்கையாளரை கொண்டுவந்த கட்சிக்காரருக்கு என்று இருந்தது.
இப்போது ஜெயா-சசி பங்கு கொடுக்கவேண்டியது கிடையாது. 
5 லட்சம் ரூபாய் வசூலிக்கப்பட்டால் அதில் ஒரு லட்சம் ரூபாய் கட்சி நிதியாக செலுத்தப்பட வேண்டும். எஞ்சிய 4 லட்சம் ரூபாயில் அமைச்சருக்கு ஒரு லட்சம் ரூபாய் என்றும் மேலும் சில கட்சி நிர்வாகிகளுக்கு குறிப்பிட்ட தொகை என்றும் ஒரு விதி பின்பற்றப்பட்டு வருக்கிறது.
இதன் மூலம்தான் சசிகலா தரப்பை எதிர்த்து அதிமுகவை நடத்த முடிகிறது.
இதனை நம்பி திண்டுக்கல் மாவட்டத்தின் பல்வேறு அ.தி.மு.க நிர்வாகிகள் அங்கன் வாடி மையத்தில் வேலை வாங்கி தருவதாக பணம் வசூல் செய்துள்ளனர். மேலும் ஒவ்வொரு பிரமுகரும் தங்களுக்கு வேண்டிய நபரை பரிந்துரை செய்து பணி வழங்குமாறு அமைச்சருக்கு கடிதமும் கொடுத்துள்ளனர். 

ஆனால் கட்சி நிர்வாகி பரிந்துரைத்த எவருக்கும் பணி நியமன ஆணை வழங்கப்படவில்லை என்று சொல்லப்படுகிறது. 
சென்னையில் நேரடியாக அமைச்சர் தொடர்புடைய ஆட்கள் பணத்தை பெற்றுக் கொண்டு பணிநியமன ஆணைகளை வழங்கி வருவதாக கூறப்படுகிறது. இதனால் அ.தி.மு.க நிர்வாகிகளிடம் பணம் கொடுத்தவர்கள் பணத்தை திரும்ப கேட்டு நச்சரிக்க ஆரம்பித்துள்ளனர். 
இந்த நிலையில் தான் கடந்த பத்து நாட்களுக்கு முன்னர் பழனி அருகே திண்டுக்கல் சீனிவாசன் நிகழ்ச்சி ஒன்றில் கலந்து கொள்ள சென்று இருந்தார். 
அப்போது அங்கு வந்த கட்சி நிர்வாகி ஒருவர் அங்கன்வாடி மைய பணியாளர் நியமனத்தில் அ.தி.மு.கவினரின் பரிந்துரைகள் நிராகரிக்கப்படுவதாக குற்றஞ்சாட்டினார்.
மேலும் அமைச்சருடன் அந்த நிர்வாகி வாக்குவாதமும் செய்தார். மாவட்ட ஆட்சியர் முன்னிலையில் நிகழ்ந்த இந்த சம்பவத்தால் அமைச்சர் திண்டுக்கல் சீனிவாசனுக்கு தர்மசங்கடம் ஏற்பட்டது. 
இந்த நிலையில் தான் திண்டுக்கல்லில் நடைபெற்ற தேர்தல் ஆலோசனை கூட்டத்திலும் அங்கன்வாடி பணிநியமன பிரச்சனை வெடித்தது. பணிக்கு பரிந்துரை செய்து வேலை ஒதுக்கப்படாததால் அதிருப்தியில் இருந்த நிர்வாகிகள் சிலர் மேடையில் அமர்ந்திருந்த திண்டுக்கல் சீனிவாசனிடம் நேருக்கு நேராக சென்று வாக்குவாதம் செய்தனர். 
இதனால் பொறுத்து பொறுத்து பார்த்த அமைச்சர் ஆதரவாளர்கள் கோபத்துடன் வாக்குவாதம் செய்தவர்கள் மீது நாற்காலிகளைத்தூக்கி எறிந்து தாக்க ஆரம்பித்தனர்.
அமைச்சரிடம் வாக்குவாதம் செய்த கட்சி நிர்வாகிகளை அவர்கள் விரட்டி விரட்டி தாக்கினர். நாற்காலிகள் வீசப்பட்டன. சில நிர்வாகிகளுக்கு அமைச்சர் ஆதரவாளர்கள் தர்ம அடி கொடுத்து அனுப்பி வைத்தனர்.
 வலி தாங்க முடியாமல் வெளியே ஓடியவர்கள் நேராக தலைமை கழகத்திற்கு புகார்களை பேக்ஸ் செய்துள்ளனர். தற்போது இந்த பிரச்சனை எடப்பாடி பழனிசாமி பஞ்சாயத்தில் உள்ளது.

சனி, 10 நவம்பர், 2018

தமிழ் ராக்கர்ஸ்: முடக்கவே முடியாது

சர்கார் திரைப்படத்தை படம் வெளியாகும் நாளன்றே எங்களது இணையதளத்தில் வெளியிடுவோம் என்று தாங்கள் கூறியதை தமிழ் ராக்கர்ஸ் இணையதளம் செய்துக்காட்டியுள்ளது. 
சர்கார் திரைப்படம் வெளியான சில மணிநேரங்களிலேயே அந்த திரைப்படத்தின் தமிழ் மற்றும் தெலுங்கு மொழி பதிப்புகள் தமிழ் ராக்கர்ஸ் இணையதளத்தில் வெளியிடப்பட்டன.
சன் பிக்சர்ஸ் தயாரிப்பில், ஏ.ஆர். முருகதாஸ் இயக்கத்தில், ஏ.ஆர். ரஹ்மான் இசையில் விஜய், கீர்த்தி சுரேஷ், வரலட்சுமி உள்ளிட்ட பலரது நடிப்பில் உருவான சர்க்கார் திரைப்படம் கடந்த நவம்பர் 6ஆம் தேதி, தீபாவளி தினத்தன்று உலகம் முழுவதும் வெளியானது.

முன்னதாக, சர்கார் திரைப்படத்தை சட்டவிரோதமாக இணையதளங்கள், கேபிள் டிவிக்களில் வெளியிடக்கூடாது என்று கூறி அதன் தயாரிப்பு நிறுவனமான சன் பிக்சர்ஸ் உயர்நீதிமன்றத்தை நாடியிருந்தது. 
அந்த வழக்கை விசாரித்த சென்னை உயர்நீதிமன்றம் சர்கார் திரைப்படத்தை திரையரங்கம் தவிர்த்து சட்டவிரோதமாக இணையதளங்கள், கேபிள் டிவிக்கள், சிடி-டிவிடிக்கள் உள்ளிட்ட எந்த வகையிலும் வெளியிடுவதற்கு தடைவிதித்து உத்தரவிட்டிருந்ததது.
கடந்த 4ஆம் தேதியன்று தமிழ் ராக்கர்ஸ் பெயரிலுள்ள ஒரு ட்விட்டர் பக்கத்தில், சர்கார் திரைப்படம் வெளியாகும் நாளன்றே அதன் எச்.டி பதிப்பை தங்களது இணையதளத்தில் வெளியிடுவோமென்று குறிப்பிடப்பட்டிருந்தது. அதையடுத்து, தமிழ் ராக்கர்ஸ் விடுத்துள்ள சவாலை முறியடிப்போம் என்று தயாரிப்பாளர் சங்கத்தின் தரப்பில் கூறப்பட்டது.
இது தொடர்பாக அறிக்கை வெளியிட்டிருந்த தமிழ்த் திரைப்படத் தயாரிப்பாளர்கள் சங்கம், "சமூக வலைதளங்களில் நம் உழைப்பைச் சுரண்டும் திருடன் தமிழ் ராக்கர்ஸ் சர்கார் படம் வெளியான மாலையே ஹெச்டி பிரிண்டில் வெளியிடுவதாக சவால் விடுத்துள்ளார்கள். இதற்கு நாம் அனைவரும் இணைந்து ஒன்றாக செயல்பட்டு தமிழ் ராக்கர்ஸ் என்ற திருடனை வெல்ல விடாமல் கண்காணிப்பு ஆட்களை நியமித்து, படம்பிடிப்பவர்களை காவல்துறையினரிடம் ஒப்படைக்க வேண்டும் என்று கேட்டுக்கொள்கிறோம்" என்று தெரிவித்திருந்தது.

அதுமட்டுமின்றி, அனைத்து திரையரங்கிலும் சிசிடிவி கேமிராக்கள் பொருத்த வேண்டுமென்றும் திரையரங்கங்களுக்கு தயாரிப்பாளர்கள் சங்கம் சார்பில் கோரிக்கை விடுக்கப்பட்டது.
திட்டமிட்டபடி நவம்பர் 6ஆம் தேதியன்று காலை தமிழ்நாடு மட்டுமில்லாது கேரளா, கர்நாடகா, ஆந்திரா, தெலுங்கானா, டெல்லி உள்ளிட்ட பல்வேறு மாநிலங்களிலும், அமெரிக்கா, ஆஸ்திரேலியா உள்ளிட்ட பல்வேறு நாடுகளிலும் சர்கார் திரைப்படம் வெளியானது.
இந்நிலையில், சர்கார் திரைப்படம் வெளியான சில மணிநேரங்களிலேயே அத்திரைப்படத்தின் தமிழ் மற்றும் தெலுங்கு பதிப்புக்கள் தரவாரியாக தனித்தனியே தமிழ் ராக்கர்ஸ் இணையதளத்தில் வெளியிடப்பட்டது.
சட்டரீதியான நடவடிக்கை மற்றும் திரையரங்குகளில் மேற்கொள்ளப்பட்ட கண்காணிப்பு நடவடிக்கைகளையும் மீறி சர்கார் திரைப்படம் தமிழ் ராக்கர்ஸ் இணையதளத்தில் வெளியாகியுள்ளது பல்வேறு தரப்பினரையும் அதிர்ச்சியில் ஆழ்த்தியது.
கோடிக்கணக்கான பணம், பல மாத உழைப்பில் உருவாகும் கிட்டத்தட்ட அனைத்து திரைப்படங்களும் தமிழ் ராக்கர்ஸ் போன்ற பைரஸி அல்லது சட்டவிரோதமான இணையதளங்களில் வெளியாவது தொடர்கதையாகி வருகிறது.
சில வருடங்களுக்கு முன்பு வரை சிடி-டிவிடிக்களில் புதிய திரைப்படங்கள் வெளியாவது பெரிய பிரச்சனையாக இருந்தது. 
அதையடுத்து மேற்கொள்ளப்பட்ட முயற்சிகள் பலனளித்ததோ, இல்லையோ மலிவான விலையில் வேகமான இணையதள சேவைகள் கிடைக்க தொடங்கிய பிறகு இணையதளங்களில் சட்டவிரோதமாக திரைப்படங்கள் வெளியாக தொடங்கியது. 
அந்த விவகாரம் தற்போது மிகப் பெரிய பிரச்சனையாக உருவெடுத்துள்ளது.
திருட்டு சிடிக்களை ஒழிப்பதற்கு காவல்துறையினர் மூலம் எடுக்கப்பட்ட நடவடிக்கைளை போன்று, தமிழ் ராக்கர்ஸ் இணையதளத்தை தடைசெய்வதற்கு பல்வேறு முயற்சிகள் முன்னெடுக்கப்பட்டன. 
அதாவது, தமிழ் ராக்கர்ஸ் இணையதளம் முதன் முதலாக தொடங்கப்பட்டதாக அறியப்படும் tamilrockers.com என்ற இணையதளத்துக்கு சென்று பார்த்தீர்களானால் "நீங்கள் பதிவிட்ட இணையதள முகவரி இந்திய தொலைத்தொடர்புத்துறையின் வழிகாட்டுதலின்படி தடைசெய்யப்பட்டுள்ளது" என்று வரும். 
அதைத்தொடர்ந்து தமிழ் ராக்கர்ஸ் இணையதளமானது .cc, .to, .be, .pm, .ac, .la, .ws போன்ற பல்வேறு டொமைன்களில் தொடங்கப்பட்டு பின்னர் தடைசெய்யப்பட்டன.
மேற்குறிப்பிட்ட தமிழ் ராக்கர்ஸின் அனைத்து இணையதள முகவரிகளும் தடைசெய்யப்பட்டுள்ள நிலையில் தற்போது மற்றொரு பெயரில் ஒரு இணையதளம் தொடங்கப்பட்டு சர்கார் உள்ளிட்ட புதிய படங்கள் சட்டவிரோதமாக வெளியிடப்பட்டு வருகிறது.
புதுப்புது பெயரில் முளைத்து திரைப்படத்துறை, தொலைத்தொடர்பு துறை, சைபர் கிரைம் பிரிவுக்கு சிம்மசொப்பனமாக விளங்கி வரும் தமிழ் ராக்கர்ஸை முற்றிலும் தடைசெய்வது சாத்தியமா?
நாம் நினைத்ததைவிட மிகவும் சாதுர்யமாக தமிழ் ராக்கர்ஸ் குழுவினர் செயல்பட்டு வருகின்றனர். இதை நடத்துபவர்கள் தொழில்நுட்பத்தில் உள்ள ஓட்டையை நன்கறிந்தவர்களாகதான் இருக்க வேண்டும். ஏனெனில், தமிழ் ராக்கர்ஸ் இணையதளத்திலிருந்து ஒரு படத்தை பதிவிறக்கம் செய்பவரே, அதே படத்தை பதிவிறக்கம் செய்யும் மற்றொருவருக்கு தான் பதிவிறக்கம் செய்த தரவுகளை கொடுத்து உதவுவது போன்ற Peer to Peer என்ற முறை பயன்படுத்தப்படுவதால், முதலில் யார் பதிவேற்றியது என்பதை கண்டுபிடிப்பது கிட்டத்தட்ட இயலாத காரியம்
தற்போதுள்ள செயல்முறையின்படி, ஒரு குறிப்பிட்ட இணையதளத்தை தடைசெய்வதற்கு நீண்டகாலம் ஆகிறது. எனவே, இதுபோன்ற பைரஸி இணையதளங்கள் புதுப்புது டொமைன்களில் தொடங்கியவுடன் உடனடியாக தடைசெய்வதற்கு சிறப்பு குழுக்களை அமைப்பது தற்காலிக தீர்வாக அமையலாம்.
Tamilrockers என்ற வார்த்தையை கொண்டு மீண்டும் ஒரு புதிய இணையதளம் பதிவுசெய்யப்படுவதையே முற்றியும் தடைசெய்ய முடியுமா என்று கேட்டபோது, "உலகம் முழுவதும் புதிய இணையதள முகவரிகள் பதிவுசெய்வதை கண்காணிக்கும், ஒழுங்குபடுத்தும் பணியை அமெரிக்காவை சேர்ந்த ஐகான் (The Internet Corporation for Assigned Names and Numbers) என்ற அமைப்பு மேற்கொண்டு வருகிறது. 
Tamilrockers என்ற வார்த்தையை முற்றிலும் தடைசெய்யக்கோரி இந்திய தொலைத்தொடர்புத்துறை ஐகானுக்கு கோரிக்கை விடுக்கும்பட்சத்தில் இது சாத்தியமாகலாம். 
ஒரு தனிநபரோ அல்லது நிறுவனமோ ஒரு குறிப்பிட்ட இணையதளத்தை வாங்கி பதிவு செய்யும்போது தங்களது பெயர், முகவரி, தொடர்பு எண் உள்ளிட்ட பல்வேறு தகவல்களை இணையதள சேவை வழங்கும் நிறுவனத்திடம் வழங்க வேண்டும்.
இந்நிலையில், தமிழ் ராக்கர்ஸ் இணையதளத்தை நடத்தி வருபவர்கள் குறித்த தகவலை இணையதள சேவை வழங்கும் நிறுவனங்களிடமிருந்து பெறுவதற்கான வாய்ப்புள்ளதா என்று பார்த்தால் கிடைக்கும் தகவல் இயலாது என்றே.

 ஒரு குறிப்பிட்ட இணையதளத்தை ஆரம்பித்தவர்கள் குறித்த அடிப்படை தகவல்களை யார் வேண்டுமானாலும் இணையத்தில் தேடி (who's data என்றழைக்கப்படுகிறது) தெரிந்துகொள்ளலாம். ஆனால், ஆயிரக்கணக்கான ரூபாய் கொடுத்து ஒரு இணையதளத்தை பதிவு செய்பவர் நினைத்தால் கூடுதலாக சிலநூறு ரூபாய் கொடுத்து அவர்களது who's தகவல்களை ரகசியமாக வைத்துக்கொள்ளும் வசதியை பல்வேறு நிறுவனங்கள் வழங்கி வருகின்றன. 
எனவே, தமிழ் ராக்கர்ஸ் இணையதளத்தை நடத்துபவர்கள் குறித்த விவரங்களை பெறுவது இயலாத காரியம்.
தமிழ் ராக்கர்ஸ் போன்ற இணையதளத்தை நடத்துபவர்கள் தங்களது டொமைன் ஒவ்வொரு முறை முடக்கப்படும்போதும் சாதாரணமான முறையில் புதிய டொமைனை பதிவுசெய்வதில்லை என்றே தெரிகிறது .
 மாறாக, தனிப்பட்ட சர்வரை வாங்கிவிட்டு ஸ்டாட்டிக் ஐபி முகவரியை வைத்துக்கொண்டு யாருக்கும் தெரியாமல் எண்ணற்ற இணையதளங்களை உருவாக்கும் முறையை கடைபிடிக்கிறார்கள் என்றே தெரிகிறது .
 அதுமட்டுமின்றி, இணையதளங்களை முறைப்படுத்துவதற்கென சர்வதேச சட்டங்கள் ஏதுமில்லாத காரணத்தால் குறிப்பிட்ட நாட்டின் அரசாங்கத்திடமோ, அமைப்பிடமோ இதுதொடர்பாக எவ்வித கோரிக்கை வைப்பதிலும் பயனில்லை.
 உதாரணமாக, தமிழ் ராக்கர்ஸ் ரஷ்யாவை மையமாகக்கொண்டு செயல்படுகிறது என்று வைத்துக்கொண்டால், அமெரிக்காவை மையமாக கொண்டு செயல்படும் ஐகான் போன்ற அமைப்புகள் விடுக்கும் கோரிக்கையை ரஷ்யா மறுப்பதற்கு வாய்ப்புள்ளது.
தமிழ் ராக்கர்ஸ் இணையதளத்தை நடத்துபவர்களை கண்டுபிடிக்க முடியாது, புதிய டொமைன்கள் உருவாக்குவதை நிரந்தரமாக முடக்க முடியாது, சர்வதேச சட்டங்களை பயன்படுத்தியும் எதுவும் செய்யமுடியாது . 
சரி .இதற்கு எப்படி எதிர்த்து செயலாற்றுவது.?

இணையம் உருவான காலத்திலிருந்து ஹாலிவுட் திரைப்படங்களும்  இதுபோன்ற பைரஸி தளங்களின் காரணமாக கடும் சவாலை சந்தித்து வருகிறது. ஆனால், இதுவரை எவ்வித முன்னேற்றத்தையும் ஹாலிவுட் படத்தயாரிப்பாளர்களால் கூட  எட்டமுடியவில்லை. 
அதுமட்டுமின்றி, பைரஸி இணையதளங்கள் மூலமாக பதிவிறக்கம் செய்யப்படும் மென்பொருள்களினால் ஒவ்வொரு ஆண்டும் மைக்ரோசாஃப்ட், அடோப் போன்ற நிறுவனங்கள் பல்லாயிரக்கணக்கான கோடிகளை இழந்து வருகிறது. 
அதுவும் இதுவரை முற்றிலும் தடுக்கப்பட முடியாததாகவே உள்ளது. மக்கள் இதுபோன்ற தளங்களை நாடுவதற்கான காரணம் என்ன என அறிந்து மக்கள் தரமில்லாத இந்த படங்களைப்பார்ப்பதை உணர்த்தி அதை சரிசெய்வதற்கான முயற்சியில் திரையுலகம் ஈடுபட வேண்டும்.
ஆனால் ஒவ்வொரு படத்துக்கும் கட்டணத்தைக்கூட்டும்,சிற்றுண்டிகளை,தண்ணீரை  யானை விலைகொடுத்து தங்களிடம் மட்டுமே வாங்க வேண்டும் ,வாகனங்களை நிறுத்த வாகனத்தின் விலையில் பாதியை கேட்பது போன்ற ரசிகர்கள் ,பொதுமக்கள் மீதான திரையரங்குகள் தாக்குதலை நிறுத்துவார்களா என்பதே தமிழ் ராக்கர்ஸை ஒழிக்கும் வழியைத்தேடுவதில் கிடைக்கும் கேள்வி.
தற்போதைய திரையரங்குகளின் கொள்ளையில் இருந்து காப்பாற்றும் ராபின் ஹூட் டாகவே தற்போது திரைப்பட ரசிகர்கள் தமிழ் ராக்கர்ஸைப் பார்க்கிறார்கள்.
அதை மாற்றுவது திரையுலகினர் கையில்தான் உள்ளது.நடிகர்கள் ஊதியமாக பலகோடிகளை கொட்டுவதை நிறுத்தி படம் தயாரித்தால் உண்டாகும் நட்டம் குறைவாகவே இருக்கும்.
600 கோடிகளில் 2.0 படத்தை எடுத்தால் எத்தனை திரையரங்குகளில் ,எவ்வளவு கட்டணத்தில்,எவ்வளவு நாள் அரங்கு நிறைந்து ஓடினால் லாபம் வரும்.கணக்கிட்டால் நட்டமே பதிலாக வருகிறது.
அதை ராஜபக்ஷே நண்பர் சுபாஸ்கரனின் லைக்கா நிறுவனம் தாக்குப்பிடிக்கும்.காரணம் கொட்டிக்கிடக்கும் கருப்புப்பணக்குவியல் மலை அவரிடம் உள்ளது.
அவர் தொடர்ந்து படம் எடுப்பார்.ஆனால் பாரம்பரியமிக்க ஏ.வி.எம்,ஜெமினி,சூப்பர் குட்,படம் எடுப்பதில்லையே .காரணம் தேவையற்ற செலவினம்,நடிகர்கள் ஊதியம் என  கோடிகளை கொட்டி நட்டப்பட அவர்கள் தயாரில்லை.
இன்று சினிமா உலகில் அலையும் பணம் குறுக்குவழியில் பணம் சம்பாதித்தவர்கள் கறுப்புப்பணம்.வெள்ளையாக்கும் முயற்சிதான்.அவர்களுக்கு நட்டமே தேவை.


கார்ப்பரேட் கிரிமினல்களின் சர்கார்

விரைவாக பண  முதலையாக பாஜகவில் சேருங்கள்.
அல்லது ஏழைத்தாய் மகனின் கடைக்கண் பார்வை படும் இடத்தில் இருங்கள்.
காரணம் இன்றைய வாழ்க்கையே கார்ப்பரேட் குற்றவாளிகள் பக்கம்தான்.மாட்டிக்கொண்டாலும் மோடி அரசின் மூலம் வெளிநாட்டுக்கு பாதுகாப்பாக சென்றுவிடலாம்.
 காரணம் மோடி அரசின் மற்றோரு பெயர்தான் கார்ப்பரேட் கிரிமினல்களின் சர்கார்.
பாஜக  மோடிஅரசின்  ரெஃபெல் போர் விமானத்தை விட மிகப்பெரிய விவசாய காப்பீடு  ஊழல்  ஆண்டாண்டு நடக்கிறது.
மகாராஷ்டிராவில்  ஒரு மாவட்டத்திற்கு மட்டுமே ரூ 143 கோடிகள் விவசாயிகள் பணம்  ரிலையன்சுக்கு அனாமத்தாக கிடைக்கிறது.இதில்  மக்களுக்கு மட்டுமல்ல அரசுக்கும்  இழப்புதான் .
ஆனால் அது ரிலையன்ஸ் இன்சூரன்ஸ் நிறுவனத்துக்கு  வருவாய்...

மத்தியில் ஆளும் பாஜக தலைமையிலான தேசிய ஜனநாயகக் கூட்டணி அரசின் கொள்கைகள் அனைத்தும் விவசாயிகளுக்கு எதிரானது. 
குறிப்பாகப் பிரதமர் பிமா பசல் யோஜனா திட்டம் என்பது ரஃபேல் போர்விமானக் கொள்முதல் ஊழலைக் காட்டிலும் மிகப்பெரியது. 
குறிப்பிட்ட சில கார்ப்பரேட் நிறுவனங்களான ரிலையன்ஸ், எஸ்ஸார் ஆகிய நிறுவனங்கள் நன்றாகச் சம்பாதிக்கும் நோக்கில் இந்தக் காப்பீடு அந்த நிறுவனங்களுக்கு வழங்கப்பட்டுள்ளது.

உதாரணமாக, மகாராஷ்டிராவில் 2.80 லட்சம் விவசாயிகள் சோயா பயிரிட்டுள்ளனர். 
இதில் மகாராஷ்டிராவில் உள்ள ஒரு மாவட்டத்தில் உள்ள விவசாயிகள் மட்டும் காப்பீடு தொகையாக ரூ.19.20 கோடியைக் காப்பீடு நிறுவனத்திடம் செலுத்துகிறார்கள். 
மத்திய அரசும், மாநில அரசும் தனித்தனியாக தலா ரூ.77 கோடி செலுத்துகிறார்கள். 

ஒட்டுமொத்தமாக ரிலையன்ஸ் காப்பீடு நிறுவனத்துக்கு ரூ.173 கோடி கிடைக்கிறது.
ஒட்டுமொத்த பயிரும் மழையில்லாமல் கருகிப்போனால் கூட காப்பீடு நிறுவனம் ரூ.30 கோடி மட்டுமே இழப்பீடாகத் தரும். அப்படி இதுவரை நடக்கவில்லை.
அப்படி இழப்பீடு கொடுத்தால் கூட ரிலையன்சுக்கு எந்தவிதமான முதலீடும் செய்யாமல் காப்பீடு நிறுவனம் ரூ.143 கோடி லாபம் வரும்.
 இது ஒரு மாவட்டத்துக்கான பணம், இதுபோல் ஒவ்வொரு மாவட்டத்துக்கும் இதுபோன்றுதான் மோடி ஆட்சிக்கு வந்ததில் இருந்து  நடந்து வருகிறது.
அதற்கு ,முன்னர் மத்திய அரசின் பொதுத்துறை நிறுவனமான நேஷனல் காப்பீட்டுக் கழகத்திற்குத்தான் ஒப்பந்தம்.
ஏழைத்தாயின் மகன்  வந்த பின்னர்தான் பரம ஏழை ரிலையன்ஸ் காட்டில் மழை.
காங்கிரஸ் ஆட்சிக்காலத்தில் அதகளம் செய்து நாடகமாடிய அன்னா கசாரே என்பவர் இப்போது கோமாவில் இருக்கிறார்.
நடக்காத ஊழல்களில் எல்லாம் ஊழித்தாண்டவம் ஆடிய கசாரே ரபேல் ,பணமதிப்பிழப்பு,அமித்சா ,அவர் மகன் ஊழல்களில் வாயே திறவாமல் இருக்க வாயில் என்ன இந்துத்துவா கோமியம் உள்ளதா?
பாஜக தலைவர்களுக்கு கார்ப்பரேட் சாமியார்களின் ஆசி.
தொண்டர்களுக்கோ மாட்டின் மிதி.
--------------------------------------------------------------------------------------------------------------------------------------------------------------------

ஊழல் பாஜக ரெட்டிகள்.
ர்நாடகத்தின்  மிகப் பிரபலமான ஊழல் பேர்வழியான ஜனார்த்தன ரெட்டி தலைமறைவாகியுள்ளார்.
எடியூரப்பாவுடன் (ஜனார்தன) ரெட்டிகள் .
சுரங்கத் தொழிலில் பல முறைகேடுகளைச் செய்து தொழிலதிபராகவும் முறைகேடுகளை மறைக்க அரசியல்வாதியாகவும் அவதாரம் எடுத்த ரெட்டி சகோதரர்களை அணைத்து ஆதரித்தது பாஜக. கர்நாடகத்தில் அமைந்த முதல் பாஜக ஆட்சியில் முதலமைச்சர் எடியூரப்பா, தன் பதவியில் இருந்தபோதே ஜெயிலுக்குப் போன ’பெருமை’யைப் பெற்ற காலத்தில் அவரோட உள்ளே சென்றவர் அமைச்சராக இருந்த ஜனார்த்தன ரெட்டி.
மூன்று ஆண்டுகள் உள்ளே இருந்துவிட்டு, கர்நாடக சட்டப்பேரவை தேர்தலையொட்டி ஜாமீனில் வெளியே வந்தார். அவர் மீது ஏராளமான ஊழல் மற்றும் முறைகேடு வழக்குகள் நிலுவையில் உள்ளன.
ரூ. 18 கோடி லஞ்சம் வாங்கிய வழக்கில் சிபிஐ-யால் தேடப்பட்டு வந்த ஜனார்த்தன் ரெட்டி காணாமல் போயுள்ளதாக பெங்களூரு போலீசு தெரிவிக்கிறது. ஜனார்த்தன் ரெட்டி அமைச்சராக இருந்தபோது, ஆம்பியண்ட் குழுமம் என்ற தனியார் நிறுவனத்தை ஊழல் வழக்கிலிருந்து தப்பிக்க வைப்பதற்காக ரூ. 18 கோடி லஞ்சம் கேட்டுள்ளார்.
அந்தப் பணம், ஜனார்த்தன ரெட்டியின் உதவியாளரிடம் அளிக்கப்பட்டிருக்கிறது. நிதி நிறுவனமான ஆம்பியண்ட், ரூ. 600 கோடி முதலீட்டாளர்களின் பணத்தை ஏமாற்றியதாக புகார் அளிக்கப்பட்டிருந்தது.
அந்நிறுவனத்தை நடத்தி வந்த சையது அகமது ஃபரீத்திடம் போலீசார் விசாரணை நடத்தியதில், ஜனார்த்தன ரெட்டியை பெங்களூருவில் உள்ள ஓட்டல் ஒன்றில் சந்தித்ததாகவும், அவர் உதவுவதாக வாக்குறுதி தந்ததாகவும் கூறினார்.
அதற்கு பிரதிபலனாக ரூ. 18 கோடியை தங்க வர்த்தகரான ரமேஷ் கோத்தாரியிடம் கொடுத்ததாகவும் அவர் நகை செய்பவரிடம்  கொடுத்து அந்தப் பணத்துக்கு ஈடான 57 கிலோ தங்க நகைகள் செய்ததாகவும் ஃபரீத் கூறியுள்ளார்.  தங்க நகைகள் அனைத்தும் ஜனார்த்தன் ரெட்டியின் நெருங்கிய உதவியாளரான அலி கானிடம் ஒப்படைக்கப்பட்டதாக போலீசு கூறுகிறது. இந்த வழக்கில் அலி கான் மற்றும் ஜனார்த்தன ரெட்டியை தேடியபோது அவர்கள் மாயமானது தெரியவந்துள்ளது.
நாடே பணமதிப்பிழப்பு நடவடிக்கையால் 500ரூபாய்க்கு அல்லாடிக் கொண்டிருந்த போது தனது மகள் திருமணத்தை 500கோடிகளில் ஆடம்பரமாக நடத்தியகேடி  இந்த ஜனார்தன்.
கடந்த ஆண்டு பணமதிப்பு நீக்க நடவடிக்கையின் போது, நாடே ஏடிஎம் மற்றும் வங்கிகள் முன் வரிசையில் நின்றது. 500, 1000-க்காக வரிசையில் நின்ற பலர் மாண்டுபோனார்கள். 
ஆனால், ஜனார்த்தன ரெட்டி ரூ. 500 கோடி செலவில் மிக ஆடம்பரமாக தனது மகளுக்கு திருமணம் செய்தார். அந்தப் பணம் எப்படி வந்தது என்பது குறித்து இன்னமும் விசாரணை நடந்துகொண்டிருக்கிறது.
ஊழலை ஒழிக்கப் ’பிறந்த’ அமித் ஷா – மோடி தலைமையிலான பாஜக கர்நாடகாவின் மாபெரும் ஊழல் பேர்வழிகளான ரெட்டி சகோதரர்களுடன் இணைந்து கர்நாடக சட்டப்பேரவை தேர்தலை சந்தித்தது. ஜனார்த்தன ரெட்டியின் சகோதரர்களான சோமசேகர் ரெட்டியும் கருணாகர ரெட்டியும் பாஜக வேட்பாளர்களாக இவர்களின் கோட்டையாக கருதப்பட்ட பெல்லாரியை சுற்றியுள்ள தொகுதிகளில் நிறுத்தப்பட்டு வென்றார்கள்.
சட்டப்பேரவையில் எந்தக் கட்சிக்கும் பெரும்பான்மை கிடைக்காத நிலையில், காங்கிரஸ், மதசார்பற்ற ஜனதா தளம் திடீர் கூட்டணி அமைத்து, பாஜகவுக்கு அதிர்ச்சி கொடுத்தது. அமித் ஷாவின் தந்திரம், ரெட்டிக்களின் பணபலம் வெற்றி பெறாதநிலையில் ஆட்சி கனவை இழந்தது பாஜக. இதனால் அதிகம் பாதிப்புக்குள்ளானது பல ஊழல் வழக்குகளில் சிக்கியுள்ள ரெட்டி சகோதரர்களே.
சமீபத்தில் நடந்த பெல்லாரி நாடாளுமன்ற தொகுதி இடைத்தேர்தலில்  14 ஆண்டுகளுக்குப் பிறகு தோல்வியை சந்தித்திருக்கிறது பாஜக. பாஜகவைக் காட்டிலும் ரெட்டி சகோதரர்களுக்கு இது பெரிய இடி. இந்த நிலைமை வரவிருக்கும் நாடாளுமன்ற தேர்தலிலும் எதிரொலிக்கலாம் என்கிற அச்சம் ஜனார்த்தன் ரெட்டிக்கு வந்திருக்க வேண்டும்.
வழக்கம்போல, ஆயிரக்கணக்கான கோடிகளை சுருட்டிக் கொண்டு ஓடும் தொழிலதிபர்களை வழியனுப்பி வைக்கும் பாஜக அரசு, தனது நெருங்கிய கூட்டாளியான ஜனார்த்தன ரெட்டியையும் அனுப்பி வைத்திருக்கலாம்.


மோடி- டஸ்ஸால்ட் ஒப்பந்தம் !!

ரபேல் விமானங்களை தரக் கட்டாயம் இல்லை! ரபேல் விமானக் கொள்முதல் விஷயத்தில், பிரதமர் மோடி தனது கார்ப்பரேட் முதலாளிகளுக்கு கமிஷன் ...